នគរបាលឃាត់ខ្លួនជនសង្ស័យចំនួន ០៣នាក់ ពីបទ រក្សាទុក ចាត់ចែង ជួញដូរ និងប្រើប្រាស់គ្រឿងញៀន
28-February-2020 | ដោយ ពលមនសិការ
សៀមរាប៖ នៅថ្ងៃព្រហស្បត៍ ៥កើត ខែផល្គុន ឆ្នាំកុរឯកស័ក ព.ស២៥៦៣ ត្រូវនឹងថ្ងៃទី២៧ ខែកុម្ភៈ ឆ្នាំ២០២០ កម្លាំងការិយាល័យប្រឆាំងគ្រឿងញៀន សហការជាមួយកម្លាំងអធិការដ្ឋាននគរបាលស្រុកប្រាសាទបាគង និងកម្លាំងអធិការដ្ឋាននគរបាលស្រុកបន្ទាយស្រី បង្ក្រាបនិងឃាត់ខ្លួនជនសង្ស័យចំនួន០៣នាក់ ពីបទ រក្សាទុក ចាត់ចែង ជួញដូរ និងប្រើប្រាស់ដោយខុសច្បាប់នូវសារធាតុញៀន។
ទីតាំងទី១) នៅចំណុចបន្ទប់ជួលស្ថិតនៅភូមិល្អក់ ឃុំកណ្តែក ស្រុកប្រាសាទបាគង ខេត្តសៀមរាប ឃាត់ខ្លួនជនសង្ស័យចំនួន០១នាក់។
ដកហូតវត្ថុតាងរួមមាន៖ ម្សៅមេតំហ្វេតាមីនប្រភេទទឹកកក ចំនួន ០៣កញ្ចប់ តូចស្មើនឹងទម្ងន់០,៤ក្រាម(ថ្លឹងទាំងសំបក),ទូរស័ព្ទដៃចំនួន ០២គ្រឿង និងឧបករណ៍ប្រើប្រាស់គ្រឿងញៀនមួយចំនួន។
ទីតាំងទី២) នៅចំណុចលំនៅដ្ឋានស្ថិតនៅភូមិតាឯក ឃុំរុនតាឯក ស្រុកបន្ទាយស្រី ខេត្តសៀមរាប ឃាត់ខ្លួនជនសង្ស័យចំនួន០២នាក់។
សមត្ថកិច្ចដកហូតវត្ថុតាងបានរួមមាន៖ ម្សៅមេតំហ្វេតាមីនប្រភេទទឹកកក ចំនួន០១កញ្ចប់ តូចស្មើនឹងទម្ងន់ ០,៤ក្រាម(ថ្លឹងទាំងសំបក),ទូរស័ព្ទដៃចំនួន ០២គ្រឿង និងឧបករណ៍ប្រើប្រាស់គ្រឿងញៀនមួយចំនួន។
បច្ចុប្បន្ន ជនសង្ស័យទាំងបីនាក់ ត្រូវបានសមត្ថកិច្ចឃាត់ខ្លួន និងកំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីអនុវត្តតាមនីតិវិធីបន្ត ៕
ចំនួនអ្នកទស្សនា
- ថ្ងៃនេះ13051
- ម្សិលមិញ15191
- សប្តាហ៍នេះ56201
- ខែនេះ78081
- ឆ្នាំនេះ78081
- សរុប20520537